విద్యుత్ కార్మికుల సమస్యల పరిష్కారమే లక్ష్యం : స్వామి TG UEEU -CITU యూనియన్ లో చేరికలు
చేర్యాల వాసవి గార్డెన్స్‌లో ఘనంగా సమావేశం.. కండువాలు కప్పి ఆహ్వానించిన రాష్ట్ర ప్రధాన కార్యదర్శి నలవాల స్వామి
విద్యుత్ రంగ ప్రైవేటీకరణ నిర్ణయాలను ఉపసంహరించుకోవాలని డిమాండ్
2026 పీఆర్సీని అమలు చేయకపోతే ఉద్యమాన్ని ఉధృతం చేస్తామని హెచ్చరిక
చేర్యాల (హిందుస్థాన్ మీడియా):
తెలంగాణ స్టేట్ యునైటెడ్ ఎలక్ట్రిసిటీ ఎంప్లాయీస్ యూనియన్ (TG UEEU–CITU) ఆధ్వర్యంలో సాగుతున్న కార్మిక ఉద్యమాలు, సమస్యల పరిష్కారం కోసం చేస్తున్న నిరంతర పోరాటాలకు ఆకర్షితులై విద్యుత్ కార్మికులు భారీ సంఖ్యలో యూనియన్‌లో చేరారు. చేర్యాల, హుస్నాబాద్ డివిజన్లకు చెందిన పలువురు విద్యుత్ ఉద్యోగులు ఆదివారం చేర్యాల మండల కేంద్రంలోని వాసవి గార్డెన్స్‌లో నిర్వహించిన సమావేశంలో యూనియన్ సభ్యత్వం తీసుకున్నారు. లైన్‌మెన్ (LM), అసిస్టెంట్ లైన్‌మెన్ (ALM), జూనియర్ లైన్‌మెన్ (JLM)లతో పాటు ఆర్టిజన్ కార్మికులు పెద్ద సంఖ్యలో హాజరై, యూనియన్ రాష్ట్ర ప్రధాన కార్యదర్శి నలవాల స్వామి సమక్షంలో యూనియన్ కండువాలు కప్పుకున్నారు. ఈ సందర్భంగా నూతనంగా చేరిన కార్మికులకు నలవాల స్వామి ఎర్ర కండువాలు కప్పి యూనియన్‌లోకి సాదరంగా ఆహ్వానించారు.
అనంతరం నలవాల స్వామి మాట్లాడుతూ.. కేంద్ర ప్రభుత్వం విద్యుత్ రంగాన్ని ప్రైవేటీకరించే దిశగా తీసుకుంటున్న నిర్ణయాలను తక్షణమే వెనక్కి తీసుకోవాలని డిమాండ్ చేశారు. విద్యుత్ రంగ ప్రైవేటీకరణ వల్ల సామాన్య ప్రజలు, రైతులపై పెను ఆర్థిక భారం పడే ప్రమాదం ఉందని హెచ్చరించారు. విద్యుత్ రంగాన్ని కాపాడటంతో పాటు అందులో పనిచేస్తున్న కార్మికుల హక్కులను, ఉద్యోగ భద్రతను రక్షించాల్సిన బాధ్యత ప్రభుత్వాలపై ఉందన్నారు. విద్యుత్ కార్మికుల దీర్ఘకాలిక సమస్యలను వెంటనే పరిష్కరించాలని, 2026 పీఆర్సీ (PRC)ని తక్షణమే అమలు చేయాలని స్పష్టం చేశారు. ఓ అండ్ ఎం (O&M) సిబ్బంది, ఆర్టిజన్ కార్మికులు, పీస్‌రేట్ కార్మికులు ఎదుర్కొంటున్న సమస్యలను పరిష్కరించి తగిన న్యాయం చేయాలని కోరారు. కార్మికుల న్యాయమైన డిమాండ్ల పరిష్కారంలో నిర్లక్ష్యం వహిస్తే భవిష్యత్తులో పోరాటాలను మరింత ఉధృతం చేస్తామని హెచ్చరించారు. విద్యుత్ కార్మికుల ఐక్యతే యూనియన్ బలమని, హక్కుల సాధనకు ప్రతి ఒక్కరూ ఏకతాటిపై నిలబడి ఉద్యమించాలని పిలుపునిచ్చారు.
ఈ కార్యక్రమంలో యూనియన్ రాష్ట్ర ఉపాధ్యక్షులు గుంటుపల్లి సధాకర్, కాటం మధు, ఎన్‌పీడీసీఎల్ (NPDCL) కంపెనీ ఉపాధ్యక్షుడు డాక్టర్ అనిల్, జిల్లా అధ్యక్షుడు అశోక్, జిల్లా ఆఫీస్ బేరర్లు కనకరాజు, కరుణాకర్, యాదగిరి గౌడ్, నర్సింలు, శ్రీనివాస్, విష్ణు, కైలాసం, రమేష్, నాగరాజు, బూడిద చందు, యేలికట్టె రాము, సుధాకర్, వినయ్ రెడ్డి, లింగం, అనిల్ తదితరులు పాల్గొన్నారు.
– | హిందుస్థాన్ మీడియా |
సామాన్యుడి నేస్తం 📰
విద్యుత్ రంగ ప్రైవేటీకరణ నిర్ణయాలను ఉపసంహరించుకోవాలని డిమాండ్
2026 పీఆర్సీని అమలు చేయకపోతే ఉద్యమాన్ని ఉధృతం చేస్తామని హెచ్చరిక
చేర్యాల (హిందుస్థాన్ మీడియా):
తెలంగాణ స్టేట్ యునైటెడ్ ఎలక్ట్రిసిటీ ఎంప్లాయీస్ యూనియన్ (TG UEEU–CITU) ఆధ్వర్యంలో సాగుతున్న కార్మిక ఉద్యమాలు, సమస్యల పరిష్కారం కోసం చేస్తున్న నిరంతర పోరాటాలకు ఆకర్షితులై విద్యుత్ కార్మికులు భారీ సంఖ్యలో యూనియన్‌లో చేరారు. చేర్యాల, హుస్నాబాద్ డివిజన్లకు చెందిన పలువురు విద్యుత్ ఉద్యోగులు ఆదివారం చేర్యాల మండల కేంద్రంలోని వాసవి గార్డెన్స్‌లో నిర్వహించిన సమావేశంలో యూనియన్ సభ్యత్వం తీసుకున్నారు. లైన్‌మెన్ (LM), అసిస్టెంట్ లైన్‌మెన్ (ALM), జూనియర్ లైన్‌మెన్ (JLM)లతో పాటు ఆర్టిజన్ కార్మికులు పెద్ద సంఖ్యలో హాజరై, యూనియన్ రాష్ట్ర ప్రధాన కార్యదర్శి నలవాల స్వామి సమక్షంలో యూనియన్ కండువాలు కప్పుకున్నారు. ఈ సందర్భంగా నూతనంగా చేరిన కార్మికులకు నలవాల స్వామి ఎర్ర కండువాలు కప్పి యూనియన్‌లోకి సాదరంగా ఆహ్వానించారు.
అనంతరం నలవాల స్వామి మాట్లాడుతూ.. కేంద్ర ప్రభుత్వం విద్యుత్ రంగాన్ని ప్రైవేటీకరించే దిశగా తీసుకుంటున్న నిర్ణయాలను తక్షణమే వెనక్కి తీసుకోవాలని డిమాండ్ చేశారు. విద్యుత్ రంగ ప్రైవేటీకరణ వల్ల సామాన్య ప్రజలు, రైతులపై పెను ఆర్థిక భారం పడే ప్రమాదం ఉందని హెచ్చరించారు. విద్యుత్ రంగాన్ని కాపాడటంతో పాటు అందులో పనిచేస్తున్న కార్మికుల హక్కులను, ఉద్యోగ భద్రతను రక్షించాల్సిన బాధ్యత ప్రభుత్వాలపై ఉందన్నారు. విద్యుత్ కార్మికుల దీర్ఘకాలిక సమస్యలను వెంటనే పరిష్కరించాలని, 2026 పీఆర్సీ (PRC)ని తక్షణమే అమలు చేయాలని స్పష్టం చేశారు. ఓ అండ్ ఎం (O&M) సిబ్బంది, ఆర్టిజన్ కార్మికులు, పీస్‌రేట్ కార్మికులు ఎదుర్కొంటున్న సమస్యలను పరిష్కరించి తగిన న్యాయం చేయాలని కోరారు. కార్మికుల న్యాయమైన డిమాండ్ల పరిష్కారంలో నిర్లక్ష్యం వహిస్తే భవిష్యత్తులో పోరాటాలను మరింత ఉధృతం చేస్తామని హెచ్చరించారు. విద్యుత్ కార్మికుల ఐక్యతే యూనియన్ బలమని, హక్కుల సాధనకు ప్రతి ఒక్కరూ ఏకతాటిపై నిలబడి ఉద్యమించాలని పిలుపునిచ్చారు.
ఈ కార్యక్రమంలో యూనియన్ రాష్ట్ర ఉపాధ్యక్షులు గుంటుపల్లి సధాకర్, కాటం మధు, ఎన్‌పీడీసీఎల్ (NPDCL) కంపెనీ ఉపాధ్యక్షుడు డాక్టర్ అనిల్, జిల్లా అధ్యక్షుడు అశోక్, జిల్లా ఆఫీస్ బేరర్లు కనకరాజు, కరుణాకర్, యాదగిరి గౌడ్, నర్సింలు, శ్రీనివాస్, విష్ణు, కైలాసం, రమేష్, నాగరాజు, బూడిద చందు, యేలికట్టె రాము, సుధాకర్, వినయ్ రెడ్డి, లింగం, అనిల్ తదితరులు పాల్గొన్నారు.
– | హిందుస్థాన్ మీడియా |
సామాన్యుడి నేస్తం 📰